سلام بالاگریوه

سلام بالاگریوه شش قطاری                سلام بارون اور نو بهاری

سلام اِ سرزمین پر د گنجم                 سلام اِ قورسون درد و رنجم

سلام اِ دالکه شادی و ماتم                  سلام اِ پیرو نبی خاتم

سلام اِ جا پیایا سفره سینه                 تموم لرسو چی تو نیینه

سلام اِ هومقطار رو جنگم                   سلام اِ شیر پیا  سی روز تنگم

سلام اِ سرزمین افتخارم                     سلام بالاگریوه یه برارم

سلام اِ شاه احمد شا محمد                 سلام اِ خوش مراد شاهزاده احمد

بهشتی چی ولات سوز گردو                چی آو سیمره و زال و دو آو

فدای تق و پوقیاکه تفنگت                  فدای گرمه ی برنو د جنگت

فدای گلونی مین سر زنونت                 فدای ستره د  ور جوونت

فدای شیر پیایا بخش الوار                   پیایا روز تنگی  کور مین کار

فدای دورق و بوی فیاله                     فدای چاوونی هه چی خیاله

خداحافظ ستین مال و جونم               تونی روشنایی دو چش و حونم

خداحافظ ولی هام د کنارت                خشال کوری که ها و سا بنارت